इ-डटपेन 
मैले स्वतन्त्र रूपमा जितें भने दलीय व्यवस्थामा पनि एउटा नागरिकले चुनाव जितेर काम गर्न सक्ने रहेछ भन्ने पुष्टि हुन्छ । देशमा सेवा गर्ने राजनीति चाहिएको हो कि पेसेवर ? जनताले फैसला गर्नुपर्छ । जबसम्म पेसेवर राजनीति रहिरहन्छ, देशमा कुनै परिवर्तन हुनेवाला छैन । परिवर्तनको सुरुवात म सुदूरपश्चिमबाट गर्दैछु । अहिले हाम्रा स्थानीय सरकारमा जनताभन्दा पार्टी, गुट, कार्यकर्ता प्राथमिकतामा छन् । मेरो कुनै पार्टी छैन, गुट छैन, कसैलाई भरणपोषण गर्नुपर्ने छैन । मेरो पहिलो प्राथमिकता जनताको काम हो, धनगढीको विकास हो । म कार्यकर्तालाई पाल्ने होइन, आफैँले पाउने सेवा सुविधासमेत जनताको सेवामा खर्च गर्छु भनेर संकल्प गरेको छु । भ्रष्टाचारी राजनीतिलाई कल्याणकारी बनाउनुपर्छ । यहाँ बाटो बनाउने, ठूलो सहर बनाउने कुरा मुख्य होइन, सबैभन्दा पहिले भ्रष्टाचार अन्त्य गर्नुपर्छ, जुन ममात्रै गर्न सक्छु ।
