इडटपेन 
धनगढी -नागरिक उन्मुक्ति पार्टी नाउपा०का संरक्षक रेशम चौधरी पक्राउ परेका छन्। सीके राउत नेतृत्वको जनमत पार्टीसँग एकता घोषणा हुनै लाग्दा चौधरीलाई कार्यक्रमस्थल प्रज्ञा भवन परिसरबाट बुधबार दिउँसो प्रहरीले नियन्त्रणमा लिएको हो ।
सादा पोशाकमा खटिएका सुरक्षाकर्मीले उनलाई प्रज्ञा भवनमै पुगेर पक्राउ गरेका थिए। सर्वोच्चको आदेश कार्यान्वयन गर्न चौधरीलाई पक्राउ गरिएको काठमाडौं प्रहरी परिसरका एसपी अपिलराज बोहोराले बताएको छ ।आममाफीको फैसला सर्वोच्चले उल्ट्याएपछि उनलाई पक्राउ गरिएको हो ।
चौधरीलाई डिल्लीबजार कारागारमा लगेर बुझाइसकिएको उनले बताए । सर्वोच्च अदालतको फैसाला कार्यान्वयन गर्न उनलाई पक्राउ गरिएको पहरीले जनाएको छ । पक्राउपछि डिल्लीबजार लगिएको छ ।ु २०७२ भदौमा टीकापुरमा भएको घटनाका कारण चौधरीलाई अदालतले जन्मकैदको फैसला सुनाएको थियो। तर, २०८० जेठ १५ गते गणतन्त्र दिवसको अवसरमा सरकारले दिएको आममाफीका आधारमा उनी डिल्लीबजार कारागारबाट रिहा भएका थिए।
प्रहरी स्रोतका अनुसार यस्तै प्रकृतिको अर्काे मुद्धामा राष्ट्रपति रामचन्द्र पौडेलले रिगल भनिने योगप्रसाद ढकाललाई गरेको कैद मिनाहालाई तत्काल बदर गर्न सर्वोच्च अदालतको पूर्ण इजलासले परमादेश गरेको थियो । साथै इजलासले रिगललाई पुनस् पक्राउ गरी कारागार चलान गर्न पनि परमादेश दिएको थियो ।
